This archive report was first published on 17 October 2019.
Gavana wa Kirinyaga Anne Mumbi amemshambulia kiongozi wa Chama cha Thirdway Alliance Ekuru Aukot, baada ya mswada wake wa Punguza Mizigo kupigwa teke na kaunti 24 kati ya 47.
Julai 2019, IEBC ilitangaza kuwa Aukot alikuwa amefaulu kusanya takriban saini milioni moja kutoka kwa Wakenya na hivyo basi kuupa nafasi mswada wake kujadiliwa katika majimbo yote 47.
Mapendekezo ya mswada huo yalikuwa kupunguza idadi ya wabunge hadi 147, lakini sababu kuu ya kuuangusha mswada huo ni kwa kuwa unadhalilisha haki za wanawake na kuwanyima fursa ya kuwa viongozi.
"Aukot ni mtu wa kiburi ambaye aliamua kushika njia yake pekee na kupuuza hisia za Wakenya," gavana huyo alisema katika hotuba yake kwa waandishi wa habari Alhamisi, Oktoba 17.
Mapigano hayo yalikuwa kati ya mabunge 31 kati ya 47, ambayo yalipiga teke mswada huo kumaanisha kuwa hauwezi kujadiliwa katika bunge la kitaifa.
Wakati wa kushambulia Aukot, gavana Anne Mumbi alisema kuwa mswada huo ulionesha dalili za kuanguka kwani alikuwa mwingi wa kiburi.
