This archive report was first published on 9 December 2019.
Mike Sonko, gavana wa Nairobi, atalala sakafuni tena kwa siku mbili baada ya mahakama kukosa kufanya uamuzi wa kumpa bondi. Hii ni baada ya kiongozi wa mashtaka ya umma, Noordin Haji, kutoa agizo la kumpata baada ya kuhusishwa na ufujaji wa KSh 357 za serikali ya kaunti ya Nairobi katika utoaji wa tenda.
Uamuzi huu ulifanywa na Jaji Douglas Ogoti, ambaye alisema mahakama itafanya uamuzi wa ombi mnamo Disemba 11.
Mike Sonko alikamatwa Disemba 6 baada ya agizo la kiongozi wa mashtaka ya umma. Alipokamatwa, alikuwa na majeraha kwenye ubavu wake, na mkewe, Primrose Mbuvi, alikuwa mahakamani kumuunga mkono.
Alipokamatwa, Sonko alikuwa na mawakili 12, ambao waliiomba mahakama kumpa bondi kwa sababu ni kiongozi aliyechaguliwa na hivyo hawezi kukosa kufika mahakamani.
Upande wa mashtaka, walitumia historia ya Sonko na mahakama ambapo amewahi kukosa kufika kortini baada ya kupata bondi na hivyo kutaka mahakama isimwachilie.
Mike Sonko atalala sakafuni katika seli za jela la Industrial Area hadi Jumatano wakati ambapo ombi lake la bondi litaamuliwa.
