This archive report was first published on 8 November 2019.
Gavana wa Mombasa Hassan Joho alipokea matibabu ya malaria alikolazwa hospitali ya Mombasa Novemba 7, 2019.
Alipokea matibabu kutokana na ugonjwa wa malaria, na baada ya ukaguzi wa kimatibabu, iligunduliwa kuwa Joho anaugua kutokana na ugonjwa huo.
Alitembelewa na Rais wa zamani wa Nigeria Olesegun Obasanjo katika hospitali ya Mombasa alikolazwa.
Obasanjo alimtembelea Joho hospitalini Ijumaa, Novemba 8, 2019, na kumtakia afueni ya haraka.
Madaktari wamesema Joho anaendelea kupata nafuu na ataruhusiwa kwenda nyumbani wakati wowote.
Obasanjo alikuwa mjini Mombasa kwa ajili ya kongamano la Future Cities ambalo Joho alitarajiwa kuhudhuria.
"Gavana Joho alitarajiwa kutoa hotuba katika kongamano hilo ila hakujihisi vema na kupelekwa hospitalini, rais wa zamani wa Nigeria alilazimika kutembelea hospitalini baada ya kuarifiwa kuwa hangeweza kufika kwenye mkutano huo," alisema Mkurugenzi mkuu wa mawasiliano wa Kaunti ya Mombasa Richard Chacha.
