This archive report was first published on 29 October 2019.
Ujauzito ni kazi kwa mwili ¶
Mwanamke mjamzito anahitaji kusaidiwa kufanya kazi hasa zinazoweza kuwa nzito na katika kutekeleza majukumu yake; hii ina maana anahitaji muda mwingi kupumzika na miguu yake inafaa kuwa juu mara kadhaa kwa siku. Kulea ujauzito ni kazi kwa mwili; mwili unahitaji kupumzika.
Chakula cha kutosha ¶
Wakati mwanamke mjamzito anailea mimba yake, ni bora kula chakula cha kutosha chenye virutubishi vinavyofaa. Chakula hicho ni lazima kuwa na mchanganyiko wa protini, mboga, matunda, na wanga. Kumbuka mama ni lazima kula chakula cha kutosha yeye na mwanawe.
Epuka matumizi ya bidhaa hatari ¶
Wakati mwanamke mjamzito anailea mimba yake, ni bora kuepuka vitu vinavyoweza kuwa hatari mwilini kama vile pombe, sigara na dawa za kulevya. Sigara na tumbaku huathiri mapafu ya mama na vinaweza kusabisha saratani na hata kifo. Pia moshi unaweza kusababisha mtoto kuzaliwa kabla ya muda wake au akiwa na uzito mdogo sana, au akiwa amekwisha kufa.
Epuka kukutana na wagonjwa ¶
Mwanamke mjamzito kila mara ni lazima kuepukana na magonjwa kwa kuwa kuugua wakati wa ujauzito ni taabu kubwa. Ugonjwa unaweza kusababisha taabu kubwa katika kula, na kutokula chakula cha kutosha humunyima mwanamke mjamzito nguvu. La busara hapa ni kuepuka kukutana na wagonjwa ili kupunguza uwezekano wa kuambukizwa magonjwa.
Makala yameandikwa na Daktari Ali Hassan, daktari binafsi, Nairobi.
