This archive report was first published on 7 October 2019.
Waziri wa Usalama wa Ndani, Fred Matiang'i, amesema kuwa hakuna taifa duniani lililojengwa kwa mchezo wa kamari na atakapofaulu, hakutashitisha vita hivyo.
Alisema hivyo wakati alihudhuria mkutano wa viongozi wa dini ya Kiislamu katika musikiti wa Jamia mnamo Jumatatu, Oktoba 7, 2019.
Waziri Matiang'i alisema kuwa operesheni hiyo ilikuwa imeanza kuzaa matunda na hatalegeza kamba hadi atakapofaulu.
"Hakuna nchi iliyojengwa kupitia kucheza kamari, na kwa hivyo nina wahimiza Wakenya kuunga mkono operesheni hii," alisema Matiang'i.
Operesheni hiyo ilipelekea kufungwa kwa kampuni mbili kuu za kamari, Sportpesa na Betin, baada ya serikali kuanza kutoza ushuru wa 20% katika kila ushindi.
Waziri wa Wengi Bunge la Kitaifa, Aden Duale, alisema mchezo wa kamari unatakiwa kupigwa marufuku kwani ni tishio kwa usalama wa taifa.
