This archive report was first published on 21 June 2021.
Patriciah Lihanda Indogo: Mwigizaji Mpya wa Kike wa Kusudi Kwa Taifa ¶
Patriciah Lihanda Indogo, mwigizaji mpya wa kike, anasema kuwa amejiunga na uigizaji kwa ajili ya kusudi kwa taifa. Anapendelea kushiriki filamu fupi za kimataifa kupitia mtandao wa Youtube.
Msichana huyu, ambaye hufanya kazi na kundi la Nairobi Chronicles, anajivunia kushiriki filamu fupi nyinyi tu ambazo hupeperushwa kupitia mtandao wa Youtube. Ameshiriki filamu kama ‘Ukienda kuona babymama na hakutaki,’ ‘Mali ya serikali ni tamu,’ na ‘Wanaume wamekaliwa chapati Nairobi’ kati ya zinginezo.
Patriciah anasema kuwa ameanza kupiga ngoma lakini baada ya miaka mitano ijayo amepanua kuwa katika kiwango cha juu hasa kushiriki filamu za kimataifa, Hollywood. Anasema kuwa anaamini ametunukiwa kipaji cha kufanya kweli katika tasnia ya maigizo.
Msichana huyu anafichua kuwa tangia akiwa mtoto alidhamiria kuwa rubani au mwanamuziki maana aliwahi kununuliwa vyombo vya kujifunza masuala ya muziki lakini roho imekwenda kwingine.
Patriciah anasema kuwa angependa kufanya kazi na waigizaji kama Sarah Hassan maarufu Tanya aliyeigiza kipindi cha Tahidi High na Saints (Citizen TV). Pia angependa kufanya kazi na mwezie Brenda Wairimu anayejivunia kushiriki filamu kama ‘Mali,’ na ‘Disconnect.
‘Barani Afrika itakuwa furaha kubwa kujikuta jukwaa moja na waigizaji mahiri wa filamu za Kinigeria (Nollywood) kama Ini Edo na Genivieve Nnaji,’ akasema. Edo na Nnaji wameshiriki filamu kama ‘Chief Daddy’ ‘Palace Maid,’ na ‘Blood Sisters,’ ‘Lionheart’ kati ya zingine.
Patriciah anatoa wito kwa serikali iongezee majukwaa kama Viusasa ili wasanii kupata kuonesha uwezo wa talanta zao.
