This archive report was first published on 29 June 2020.
Na kwa Kalume Kazungu
Waboni wamekumbwa na shida ya kihistoria ambayo inaendelea kudhoofisha maadili ya jamii. Akina mama wameanza kushawishika kulipwa miraa na sukari mabinti wakilala na wazee.
Maana yake, wasichana wadogo wa kati ya umri wa miaka 15 na 16 wameishia kubeba ujauzito na kuolewa na wazee wa umri wa miaka 59 na zaidi.
Maandamano hayo hayo yamekuwa yameendelea kwa miaka mingi, na kwa sasa, waboni wameanza kujitahidi kuelimisha jamii kuhusu umuhimu wa elimu ya mtoto wa kike.
Bi Nana Abuli, Mwenyekiti wa Maendeleo ya Akina Mama wa Jamii ya Waboni, alisema kuwa inasikitisha kuona kwamba akina mama wanaendelea kuwa kikwazo katika uimarishaji wa elimu ya mtoto wa kike eneo hilo.
Alisema wengi wamekosa kuwajibikia malezi ya watoto wao wasichana, hivyo kuwaruhusu kuendelea kushiriki vitendo vya ngono na wazee ilmuradi wapate bidhaa kadhaa.
“Wanawake wengi hapa ni waraibu wa muguka na miraa na wako tayari kuwaruhusu wasichana wao wa shule kushiriki ngono na wazee ili nao wawalipe miraa, muguka na sukari na muguka,” akasema Bi Abuli.
Bi Abuli alieleza haja ya wahisani kujitokeza na kuzindua kampeni kabambe ya kuielimisha jamii ya Waboni kuhusu umuhimu wa elimu ya mtoto wa kike.
“Tumezindua mpango wa kuwaelimisha wasichana na jamii kwa jumla kuhusu umuhimu wa elimu ya mtoto wa kike. Pia tunaihamasisha jamii kuheshimu haki za watoto,” akasema Bi Mghoi, Afisa wa Elimu na Haki za Watoto wa Shirika la World Vision eneo la Lamu.
Bi Mghoi alisema mimba za mapema zimekuwa kikwazo kwa elimu ya mtoto msichana hasa kwenye tarafa ya Hindi, tangu janga la Covid-19 lilipotangazwa hapa nchini Machi 13, 2020.
