This archive report was first published on 28 June 2020.
Lazarus Chakwera Aibuka Mshindi wa Uchaguzi wa Malawi ¶
Malawi ni nchi ya kwanza Barani Afrika kufutilia mbali uchaguzi na kuandaa mwingine ambapo mgombea wa upinzani anashinda.
Chakwera alikuwa amepinga matokeo ya awali ya urais akidai uchaguzi ulikumbwa na udanganyifu mwingi.
Alipata ushindi wa kura 58.57% ya jumla ya kura zilizopigwa, ikiondoa aliyekuwa Rais wa nchi hiyo Peter Mutharika.
Chakwera anatarajiwa kuapishwa hii leo Jumapili, Juni 28, 2020, katika sherehe ambayo itahudhuriwa na viongozi mashuhuri.
Alisema ushindi wake ulikuwa wa demokrasia na haki, na moyo wake kwa sasa umejaa furaha tele.
