This archive report was first published on 27 June 2020.
Jalang'o: Nimeitwa na Kampuni 8 za Redio, Lakini Nilikataa Kujiunga ¶
Mtangazaji maarufu wa redio Felix Oduor, anayejulikana kama Jalang'o, amesema kuwa ameitwa na kampuni 8 za redio, lakini amekataa kujiunga na zote.
Jalang'o alisema hivi karibuni kupitia ukurasa wake wa YouTube kwamba ameitwa na kampuni nyingi za redio, lakini amekataa kujiunga na zote.
Alisema kuwa amekuwa akipata nafasi kwenye redio nyingi ambapo wanataka ajiunge na wao, lakini amekuwa akidinda.
"Nimekuwa nikiitwa na redio kadhaa sasa zikifika nane, ya hivi karibuni ikiwa ni KBC. Bonni Msambi alinipigia na kutaka tukafanye kipindi pamoja, lakini nikamwambia anaendelea vizuri," alisema Jalang'o.
Jalang'o alisema kuwa haikuwa rahisi kumuaga mtangazaji mwenzake Alex Mwakideu kwani alihuzunika sana.
"Mwakideu alinihurumia na kudhani nacheza. Nikamwambia sitakuwa nakuja kazini. Aliniambia ndio ilikuwa masaa yake manne marefu sana kwani alifanya kipindi peke yake," alisema Jalang'o.
Jalang'o alisema kuwa atakuwa anarudi hewani baada ya kuondoka Milele FM, na atakuwa anajiunga tena na kampuni ya Radio Africa.
"Huenda nikarudi Waiyaki way. Na kuna vituo vingi hapo kama vile NRG, Jambo, KISS, Classic, nitaamua," alisema Jalang'o.
